ಅತ್ಮೀಯ ಹಿರಿಯರಾದ ಮೀಸೆ ಅಶೋಕಣ್ಣನವರು
ಕಳೆದ ವಾರ ಟಾಂಡೆಮ್
ಸೈಕಲೊಂದನ್ನು ಕೊಂಡುಕೊಂಡರು. ಚಕ್ರವರ್ತಿಗಳಿಗೆ ಪತ್ನಿಯೊಂದಿಗೆ ನಗರ ಸಂಚಾರ
ಹಂಬಲ. ಖರೀದಿ ವಿಚಾರ
ಸಂತಸ ಪಟ್ಟರೂ ನನಗೆ ಅವರಿಬ್ಬರಿಗೂ
ಸವಾರಿ
ಆರಾಮ ಎನಿಸುವುದೋ ಅನ್ನುವ ಬಗೆಗೆ ಸಂಶಯಗಳಿದ್ದವು.
ಟಾಂಡೆಮ್ ಸೈಕಲು ಸವಾರಿ
ಎಂದರೆ ಇಬ್ಬರಿಗೂ ಕೂರಲು ತುಳಿಯಲು ಆರಾಮವಾಗಿರಬೇಕು. ಕೈಕಾಲುಗಳು ಪೆಡಲಿಗೂ
ನೆಲಕ್ಕೂ ಎಟಕುವುದು ಬಹು ಮುಖ್ಯ. ತುಳಿಯುವಾಗ
ಕಾಲುಗಳು ನೇರವಾಗಲು ಅವಕಾಶವಿರಬೇಕು. ಹಿಂದಿನವರು
ಸುಸ್ತಾದರೆ ಮುಂದಿನ ಹಾದಿ
ದುರ್ಗಮವಾಗುತ್ತದೆ. ಟಾಂಡೆಮ್
ಸೈಕಲ ವಿಚಾರದಲ್ಲಿ MAKE SURE BOTH RIDERS FIT THE BIKE ಎನ್ನುತ್ತದೆ ಒಂದು ಸಹಾಯಕ ಜಾಲತಾಣ.
ಆದರೆ ನಮ್ಮ ಮುಂದೆ ಆಯ್ಕೆಗಳಿಲ್ಲ. ಸಿದ್ದ ವಸ್ತುಗಳ ಬೇಕಾದರೆ
ತಗೊಳೋದು ಇಲ್ಲಾಂದ್ರೆ ಅಂಗಡಿಯಿಂದ
ಹೊರನಡೆಯೋದು ಮಾತ್ರ ನಮಗಿರುವ
ಅವಕಾಶ. ಯಾವ ರೀತಿ ಅಂದರೆ ಹೆನ್ರಿ ಫೋರ್ಡ್
ಕಾರು ತಯಾರಿಸಿದ ನಂತರ ಯಾವೆಲ್ಲ ಬಣ್ಣಗಳಲ್ಲಿ
ದೊರಕುತ್ತದೆ ಎಂದಾಗ ಎಂದಿದ್ದನಂತೆ – you can have in any colour as long as it is black.
ನಮ್ಮೂರಲ್ಲಿ
ಅಪರೂಪವಾಗಿರುವ ಟಾಂಡಮ್ ರಸ್ತೆಯಲ್ಲಿ ಚಲಾವಣೆಯಲ್ಲೂ ಹೆಚ್ಚು
ಜಾಗ್ರತೆ ಅಗತ್ಯ. ಈ ಸೈಕಲು ಉದ್ದವಿರುವ
ಕಾರಣ ಎದುರಿಂದ ಬರುವ ಬಲಕ್ಕೆ ತಿರುಗುವ
ಚಾಲಕರ ಬಗೆಗೆ ತುಂಬಾ ಎಚ್ಚರವಿರಬೇಕಾಗುತ್ತದೆ. ಉದ್ದ ಸೈಕಲಿನ
ಬಗೆಗೆ ಅವರು ಯೋಚಿಸಿರುವುದಿಲ್ಲ. ಈಗ ಸಾಮಾನ್ಯವೆನಿಸುವ ಉದ್ದ ಲಾರಿಗಳು
ಮೊದಲಿಗೆ ನಮ್ಮೂರಿಗೆ ಬಂದಾಗ
ಮುಂದಿನ ಇಂಜಿನ್ ಬಾಗ
ದಾಟಿದ ತಕ್ಷಣ ಪೂರ್ತಿ
ದಾಟಿತೆನ್ನುವ ಭ್ರಮೆಯಲ್ಲಿ ಸಾಗಿದ ದ್ವಿಚಕ್ರ
ಸವಾರರು ಅವುಗಳ ಮದ್ಯೆ ಸಿಲುಕಿ
ಅಪಘಾತಗಳಾಗಿವೆ.
ನಾ ಕಂಡ ಅತ್ಯುತ್ತಮ ಟಾಂಡೆಮ್
ಅಂದರೆ ಜರ್ಮನಿಯ Hase
Pino. ಕಳೆದ ವರ್ಷ ಬೆಲ್ಜಿಯಂ ದೇಶದ ಇಂತಹ
ಸೈಕಲೊಂದು ನಮ್ಮೂರು ದಾಟಿ
ಹೋಗಿತ್ತು. http://halliyimda.blogspot.in/2011/12/blog-post_19.html.
ಸೈಕಲು ಖರೀದಿ ಎಂದರೆ ಪರದೇಶಗಳಲ್ಲಿ ಉದಾಹರಣೆಗೆ
ಅಮೇರಿಕದಲ್ಲಿ ಸರಳ ವ್ಯವಹಾರವಲ್ಲ. ಅಂಗಡಿಗೆ
ಹೋದರೆ ನಮ್ಮ ಆಕಾರಕ್ಕೆ
ಹಾಗೂ ಉಪಯೋಗಕ್ಕೆ ಅನುಕೂಲವೆನಿಸುವ
ವಿಬಿನ್ನ ಮಾದರಿಗಳು ಅಲ್ಲಿರುತ್ತವೆ.
ಹೆಚ್ಚಿನ ಜನ ಸಿದ್ದ
ಸೈಕಲುಗಳನ್ನೇ ಕೊಳ್ಳುತ್ತಾರೆ. ಅಮೇರಿಕದಲ್ಲಿ ತಯಾರಾದ ಹೆಚ್ಚು ದುಬಾರಿ ಸೈಕಲುಗಳು ಹಾಗೂ
ಅಮದಾದ ಅಗ್ಗದ ಮಾಲುಗಳೂ ಅಲ್ಲಿರುತ್ತವೆ.
ಅಮೇರಿಕದಲ್ಲಿ ಮುನ್ನೂರಕ್ಕೂ ಹೆಚ್ಚು ಚಿಕ್ಕ ಪುಟ್ಟ ಸೈಕಲು ತಯಾರಕರು ಇದ್ದಾರೆ. ಹೆಚ್ಚಿನವು ಏಕ ವ್ಯಕ್ತಿ ಉದ್ಯಮ. ಅವರೆಲ್ಲ
ನಮ್ಮಲ್ಲಿ ದರ್ಜಿ ಅಳತೆ
ತೆಗೆಯುವಂತೆ ಅಳತೆ
ತೆಗೆದು ನಮ್ಮ ಆಕಾರಕ್ಕೆ ಅನುಗುಣವಾಗಿ ಸೈಕಲು ತಯಾರಿಸುತ್ತಾರೆ. ಅಂದರೆ
ದೇಹ ರಚನೆಗೆ ಅನುಗುಣವಾಗಿ ಸೈಕಲು ವಿನ್ಯಾಸ.
ಈ ಸೈಕಲುಗಳು
ಅಲ್ಲಿನ ಜೀವನಮಟ್ಟ ಆಲೋಚಿಸುವಾಗ
ಹೆಚ್ಚೇನು ದುಬಾರಿಯಲ್ಲ. ಫ್ರೇಮಿಗೆ
ಸುಮಾರು ಒಂದು ಮುಕ್ಕಾಲು ಎರಡು
ಸಾವಿರ ಡಾಲರ್ ಇರುತ್ತವೆ. ರೂಪಾಯಿ ಲೆಕ್ಕದಲ್ಲಿ ಸುಮಾರು ಒಂದು ಲಕ್ಷ . ಅನಂತರ ಇತರ ಬಿಡಿಬಾಗಗಳ
ಆಯ್ದು ಜೋಡಿಸುವ ಕೆಲಸ ಉಳಿದಿರುತ್ತದೆ.
ಒರೆಗೊನ್ ರಾಜ್ಯದ ಪೊರ್ಟ್ ಲಾಂಡಿನಲ್ಲಿಯೇ ನಲುವತ್ತಕ್ಕೂ
ಹೆಚ್ಚು ತಯಾರಕರು ನೆಲೆನಿಂತಿದ್ದರೆ ಉಳಿದವರು ದೇಶದಾದ್ಯಂತ
ಹಂಚಿಹೋಗಿದ್ದಾರೆ. ಈ ವ್ಯವಹಾರದಲ್ಲಿ
ಇರುವವರು ಎಲ್ಲರೂ ಗಂಡಸರಲ್ಲ. ಮಹಿಳೆಯರ
ಅಪೇಕ್ಷೆ ಸ್ವಾಬಾವಿಕ ಬಿನ್ನವಾಗಿರುತ್ತದೆ. ಮಹಿಳೆಯರಿಗಾಗಿ
ಅವರ ಅಳತೆ ಮಾಡಿ
ಕೊಳವೆಗಳ ಕತ್ತರಿಸಿ ಜೋಡಿಸಿ
ಸೈಕಲು ತಯಾರಿಯಲ್ಲಿ ಮಹಿಳೆಯರೂ
ತೊಡಗಿಸಿಕೊಂಡಿದ್ದಾರೆ. http://www.sweetpeabicycles.com
ಈ ಉದ್ಯೋಗ ಕಲಿಯಲು
ಸೈಕಲ್ ತಯಾರಿಸಲು ಆಸಕ್ತಿ ಇದೆಯಾ
? ಸರಿ. ಬನ್ನಿ. ಹಲವಾರು ಅನುಭವಸ್ಥ ತಯಾರಕರು ತರಬೇತಿ
ಕೊಡುತ್ತರೆ. ತರಬೇತಿ ಮುಗಿಯುವಾಗ
ನೀವು ಜೋಡಿಸಿದ ಒಂದು ಸೈಕಲು
ನಿಮ್ಮದಾಗಿರುತ್ತದೆ.
ಅಳತೆ ತೆಗೆದ ನಂತರ
ಕೊಳವೆಗಳ ಕತ್ತರಿಸುವುದರ ಕರಾರುವಕ್ಕಾಗಿ
ಲೆಕ್ಕಾಚಾರ ಹೇಳಲು ಬೈಕ್ ಕಾಡ್ ಎನ್ನುವ ಸೊಫ್ಟ್ ವೇರ್
ಸಹಾಯ ಮಾಡುತ್ತದೆ. ಹೆಚ್ಚಿನ
ತಯಾರಕರು ಅದನ್ನು ಬಳಸುತ್ತಾರೆ. ಇದರ
ಸರಳ ಅವೃತ್ತಿ ಮುಕ್ತವಾಗಿ ಬಳಸಲು
ಲಭ್ಯ. ಒಂಟಿ ಸೈಕಲಿಗೂ ಜಂಟಿ ಸೈಕಲು ವಿನ್ಯಾಸ ದಾರಿ ಬೇರೆ ಬೇರೆ.
ವರುಷಕ್ಕೊಮ್ಮೆ ಈ ಸೈಕಲು
ತಯಾರಕರ ಸಮಾವೇಶವೂ ನಡೆಯುತ್ತದೆ. ಹಲವಾರು ಪ್ರಮುಖ ತಯಾರಕರು ತಮ್ಮ ಕೈಚಳಕ
ಪ್ರದರ್ಶಿಸಿಲು ಉತ್ಸಾಹ ತೋರಿದರೆ
ಉಳಿದವರೆಲ್ಲ ಸ್ಪೂರ್ತಿ ತುಂಬಿಕೊಳ್ಳಲು
ನೆರೆಯುತ್ತಾರೆ. ಅಂತೂ ಸಮಾವೇಶ
ಬರ್ಜರಿಯಾಗಿಯೇ ನಡೆಯುತ್ತದೆ. ಆರು ತಿಂಗಳು ಹಿಂದೆ ನಡೆದ ಈ ವರ್ಷದ ಸಮಾವೇಶದ ಚಿತ್ರಗಳ ನೋಡಲು ಇಲ್ಲಿ ಕ್ಲಿಕ್ಕಿಸಿ.
ನಮಗೆ ಅಳತೆಗೆ ತಕ್ಕ
ಸೈಕಲು ಅಪರೂಪವಾದರೆ ನಾವು
ಮಾಮೂಲು ದರಿಸುವಂತಹ ಊರ ದರ್ಜಿ
ಹೊಲಿದ ಅಂಗಿ ಅಮೇರಿಕನರಿಗೆ
ಬಹಳ ಅಪರೂಪ. ಅಮೇರಿಕದಲ್ಲಿ ಗೆಳೆಯ ಎರಿಕ್
ನನ್ನದು ಅಳತೆ ತೆಗೆದು
ಕೈಮಗ್ಗದ ಬಟ್ಟೆಯಿಂದ ಹೊಲಿದ
ಅಂಗಿ ಎಂದಾಗ ತುಂಬಾ
ಆಶ್ಚರ್ಯ ಪಟ್ಟ. ಕಾರಣ ಅಲ್ಲಿ ಹೊಲಿಗೆ ಮಜೂರಿ ದುಬಾರಿ. ಅಮೇರಿಕದಲ್ಲಿ ಹೊಲಿಸಿದ ಅಂಗಿ ದರಿಸುವವನು
ಬಾರಿ ಶ್ರೀಮಂತ. J ಉಳಿದವರೆಲ್ಲ
ಮೆಕ್ಸಿಕೊ, ಕೊಸ್ಟಾರಿಕಾ, ಥೈಲಾಂಡಿನಲ್ಲೊ ತಯಾರಾಗುವ
ರೆಡಿಮೇಡ್ ಅಂಗಿಗಳಲ್ಲೇ ತೃಪ್ತರು.
ಹಲವಾರು ತಿಂಗಳಿಂದ ವೈಯುಕ್ತಿಕ
ಸಮಸ್ಯೆಗಳಿಂದಾಗಿ ನನ್ನ
ಬರವಣಿಗೆ ನಾನು ಅಪೇಕ್ಷಿಸಿದ ಗುಣಮಟ್ಟದಲ್ಲಿರಲಿಲ್ಲ. ಏನು ?
ಸುದ್ದಿ ಇಲ್ಲ ಎಂದು ವಟಗುಟ್ಟಿದ ನನ್ನ ಚುರುಕುಗೊಳಿಸಿದ ಶ್ರೀಮಾನ್ ಬೋರಯ್ಯನೋರಿಗೆ
ಕೃತಜ್ನತೆಗಳು
