ಜರ್ಮನಿ ಹೊಕ್ಕ ನಂತರ ನನಗೆ ಮೊದಲೆರಡು ದಿನಗಳಲ್ಲಿ ಗಮನ ಸೆಳೆದದ್ದು ಪ್ರತಿ ಊರಲ್ಲೂ ಇರುವ ಐನ್ ಬಾನ್ ಸ್ಟ್ರಾಸ್ಸೆ. ಸ್ವಿಜರ್ ಲಾಂಡಿನ ಉತ್ತರ ಬಾಗದಲ್ಲಿ ಜರ್ಮನ್ ಉಪಯೋಗವಾಗುವ ಕಾರಣ ಸ್ಟ್ರಾಸ್ಸೆ ಎಂದರೆ ರಸ್ತೆ ಎನ್ನುವುದರನ್ನು ಅರಿತಿದ್ದೆ. ಹಾಗೆ ಪ್ರತಿ ಊರಲ್ಲೂ ಇರಬೇಕಾದರೆ ಇದು ನಮ್ಮೂರಲ್ಲಿ ಮಹಾತ್ಮ ಗಾಂಧಿ ರಸ್ತೆ ಇದ್ದಂತಿರಬಹುದು. ಇವನಾರೋ ಅಂತಹ ಭಾರಿ ಮಹಾತ್ಮನಿರಬಹುದು ಎಂದುಕೊಂಡಿದ್ದೆ. ನಾಲ್ಕು ದಿನ ಕಳೆದು ಇಂಗ್ಲೀಷ್ ಮಾತನಾಡುವ ಅಲ್ಲಿ ಪರಿಚಯವಾದ ಗೆಳೆಯರಲ್ಲಿ ವಿಚಾರಿಸಿದೆ - ಈ ಮಹಾತ್ಮನ ಇತಿಹಾಸ. ಅವರು ಆಗ ನಗುತ್ತಾ ಹೇಳಿದರು ಅದರರ್ಥ ಅದು ಏಕ ಮುಖ ರಸ್ತೆ.
ಇತ್ತೀಚೆಗೆ ಐನ್ ಬಾನ್ ಸ್ಟ್ರಾಸ್ಸೆಯಲ್ಲಿ ವಾಹನ ನಿಲ್ಲಿಸಿದ ಜರ್ಮನ್ ಅರಿಯದ ಪ್ರವಾಸಿಗಳ ಪರದಾಟ ನಿಯತಕಾಲಿಕವೊಂದರಲ್ಲಿ ಓದಿದೆ. ವಾಪಾಸು ಬರುವಾಗ ಅವರಿಗೂ ಎಲ್ಲೆಲ್ಲೂ ಇದೇ ಹೆಸರಿನ ರಸ್ತೆ ಕಂಡು ಅಕಾಶದಲ್ಲಿರುವ ಮೋಡದ ಗುರುತಿನಲ್ಲಿ ನಿಧಿ ಹುಗಿದಂತಾಗಿತ್ತು ಅವರ ಪರೀಸ್ಥಿತಿ.
ನಮ್ಮ ಜೀವನವೂ ಒಂದರ್ಥದಲ್ಲಿ ಏಕ ಮುಖ ಪಯಣ. ಈಗೊಂದು ಹೊಸ್ತಿಲು ದಾಟಿದ್ದೇವೆ. ೨೦೦೯ ಕ್ಕೆ ಕಾಲಿಡುತ್ತಿದ್ದೇವೆ. ಎಲ್ಲರಿಗೂ ಶುಬಾಶಯಗಳು.
1 comment:
nimagu shubhashayagalu
Post a Comment